幫人同害人只差一
近日深深感受到乜嘢係 "禍從口出",有人原來真係唔知有嘢係可以講，有嘢係唔應該講。。。有嘢係可以做，有嘢係要避忌;做得出又驚比人知，都唔知做做乜?! 如果自己覺得無問題點解唔比得人知呢? 偏偏越以為無可能傳到我度，但又會陰差陽錯咁比我聽返晒，勁老土呀!!! 揚咗又係咁射波，真係唔知邊個講真邊個講假，邊個做戲邊個認真!做朋友嘅要講都講晒，真係無嘢可以再做，不過如果會影響到其他人嘅話，最好低調又或者收把口囉。。。你估我唔想暢所欲言?我都想，不過到時搞到身邊嗰個人諗多就麻煩啦! 總之唔好搞到自己或人出醜啦!
一件本來好普通嘅事牽連到咁多人唔開心其實都幾無謂，可能無聊人鍾意搞埋無聊嘢，不過最好唔好煩到我啦，真係唔該晒!!!呢個世界真係乜嘢人自然同返乜嘢人玩!好在我無比無謂人同無謂嘢影響到我，只當睇清楚咗一人，假都唔想同你假呀! 當你係朋友勸你又話反感，都唔係第一次因為唔聽人勸啦，仲搞到朋友都費事搵你，你真係要正視自己嘅問題，一隻手係拍唔響。。。唉。。。
我好鍾意我Daddy教我嘅一句金句: 面係人比但架係自己丟。。。要人尊重你最好先尊重人，紙係永遠包唔住火，最好下次三思而後行。。。唔好再搞到咁肉酸啦!!! 你點樣對人人都會點樣對你，成日咁呃呃去瞞瞞去，唔辛苦咩?!總之咁大個人自己諗啦，唔好成日玩火啦!自己都未搞得點自己仲話想幫大家，都真係幾搞笑!!! 哈哈!!!
本來諗住寫英文嘅，不過都係寫中文表達得清晰同直接，想扮唔明都唔得啦!!!
